LORIKU LIRAS SEI BASA

https://rinojanggu.blogspot.com/2021/05/loriku-liras-sei-
basa.html 

LORIKU LIRAS SEI BASA

Loron nakfera mosu nabilan iha foho Ramelau nia tutun

fo naroman ba mundu hodi hikas rai nia kalan

Tur no hakmatek hasaé orasaun ba Nai iha lalehan,

Katak mundu sei la senti loron nia furak,

Sé la tuir Nai nia hakarak

Lorosa’e hadau malu ho loro-monu

Hatudu forsa atu hasaé realidade

Manu loriku liras sei basa,

 husik hela oan iha fatuk leten,

ba buka rai rahun atu fo moris ba unidade

Mundu sei la remata hasai nia midar,

Ba sira nebe mak hakarak buka ho laran midar

Lalehan sei la para

 atu hamonu nia kosar,

ba sira nebe mak simu nia midar iha susar no térus nia laran

Ah,

Ne los duni ka laé?

“Serbisu hanesan atan, han hanesan patraun”

Liafuan ne mak sei midar to ohin loron

Ema barak lakohi buka maibe sempre atu hetan

Barak liu tan mak hakarak buka maibe nunka atu hetan

Susar liu tan, ba sira mak

La hatene buka maibe hakarak atu hetan.

Husi: Aldo Lisboa